Эълон барои таҳсил ба донишгоҳу донишкадаҳои ҳуқуқшиносии Федератсияи Россия

Шаҳрвандони муҳтарам!

Дар доираи ҳамкориҳо байни Вазорати корҳои дохилии Ҷумҳурии Тоҷикистон ва Вазорати корҳои дохилии Федератсияи Россия қабули довталабон барои таҳсил дар барномаҳои таҳсилоти олии касбии Вазорати корҳои дохилии Федератсияи Россия дар соли таҳсили 2024-2025 аз ҷониби Вазорати корҳои дохилии Ҷумҳурии Тоҷикистон эълон карда мешавад.
Таҳсили довталабон ба ҳайси бакалавр 5 сол дар муассисаҳои таълимии ВКД Федератсияи Россия муқаррар гардидааст.
Шартҳои қабул:
- ба таҳсили рӯзона дар донишгоҳу донишкадаҳои мазкур довталабон баъди хатми муассисаи таҳсилоти миёнаи умумӣ қабул карда мешаванд;
- ҳангоми интихоби номзадҳо ба сатҳи дониш, маданият, ба камолоти рӯҳӣ, сифатҳои корӣ, коршоямии касбӣ, вазъи саломатӣ ва омодагии ҷисмонии онҳо аҳамияти махсус дода мешавад;
- омӯзиш ба забони русӣ мегузарад;
- тартиби таълим, дигар намудҳои таъминот тибқи шартнома ба амал бароварда мешавад;
- пешниҳоди Маълумотномаи тиббӣ оид ба ҳолати саломатӣ ва сатҳи мутобиқати ҷисмонии довталаб бояд ба талаботи мутобиқати ҷисмонии кормандони мақомоти ҳифзи ҳуқуқи Тоҷикистон мувофиқ бошад.
Муҳлати қабули ҳуҷҷатҳо то 22-юми июли соли 2024.
Маълумоти иловагиро оид ба тартиби қабул ва таҳсил дар донишгоҳу донишкадаҳои ҳуқуқшиносии Федератсияи Россия тариқи телефони 221-30-38 гирифта метавонед.