10 майи соли 2024 бо ташаббуси Вазорати корҳои дохилии Ҷумҳурии Тоҷикистон конференсияи байналмилалии илмӣ-амалӣ дар мавзӯи «Мушкилоти мубориза бо ҷинояткорӣ дар фазои Авруосиё» дар Академияи Вазорати корҳои дохилии Ҷумҳурии Тоҷикистон баргузор мегардад.
Дар конференсияи мазкур Раҳимзода Рамазон Ҳамро - Вазири корҳои дохилии Ҷумҳурии Тоҷикистон, доктори илмҳои ҳуқуқшиносӣ, дотсент, Ҳуқуқшиноси шоистаи Тоҷикистон, генерал-полковники милитсия, Ализода Зариф - ёрдамчии Президенти Ҷумҳурии Тоҷикистон оид ба масъалҳои ҳуқуқӣ, доктори илмҳои ҳуқуқшиносӣ, профессор, Бодров Николай Филиппович - Президенти ташкилоти ҷамъиятии байналмилалии «Иттифоқи криминалистон ва криминологҳо», номзади илмҳои ҳуқуқшиносӣ, дотсенти кафедраи экспертизаҳои судии Донишгоҳи давлатии ҳуқуқшиносӣ ба номи О.Е. Кутафини шаҳри Москва ва дигар олимону коршиносони дохилу хориҷи кишвар ба таври мустақим ва маҷозӣ иштирок менамоянд.
Дар ҷараёни конференсия роҳҳои муқовимат бар зидди ҷиноятҳои муосир ва таклифу пешниҳодҳо ҷиҳати тақвият бахшидани ҳамкории мақомоти ҳифзи ҳуқуқ дар ин самт мавриди баррасӣ қарор дода мешаванд.
Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>
